شكون أنا؟
سميتي أمين ربيع.
أنا مهندس تيليكوم تخرّجت من جامعة فالنسيا فإسبانيا، وكمّلت تكويني بديبلوم فالماركيتينغ من Wharton School — وحدة من أقوى مدارس البزنس فالعالم.
ولكن خصني نكون صريح معاك: الشهادات بوحدهم ما كيكفّيوش. اللي علّمني بزّاف هو الميدان. خدمت بحال مستشار مع ستارت-أب، دخلت لعالم الإي-كوميرس والدروبشيبينغ، وبنيت أجينسيات ديال الماركيتينغ من الصفر — حتى وصلت بوحدة منهم لـ90.000€ فالشهر.
ديك الساعة فهمت حاجة غيّرت كلشي عندي: السيستيم اللي خدّامني فإسبانيا، يقدر يخدم فأي بلاصة فالعالم.
وخصوصاً هنا فالمغرب — فين عندنا الموهبة، الطاقة، والناس الطموحين — ولكن ناقصنا غير الطريق الواضح. وهادشي بالضبط علاش بنيت UpLevel.
